ਭਾਰਤ ਨੇ ਚੀਨ ਨੂੰ ਪਛਾੜਨ ਲਈ ਕਮਰ ਕੱਸੀ!
ਆਰਥਕ ਤੇ ਫ਼ੌਜੀ ਤਾਕਤ ਦੇ ਮਾਮਲੇ ਵਿਚ ਚੀਨ ਅਮਰੀਕਾ ਵਰਗੀ ਮਹਾਂ-ਸ਼ਕਤੀ ਨੂੰ ਪਛਾੜਨ ਲਈ ਪੱਬਾਂ ਭਾਰ ਹੋਇਆ ਬੈਠਾ ਹੈ। ਭਾਰਤ ਸਰਕਾਰ 2026-27 ਤੱਕ ਪੰਜ ਟ੍ਰੀਲੀਅਨ ਦੇ ਅਰਥਚਾਰੇ ਦੇ ਦਾਅਵਿਆਂ ਨਾਲ ਆਰਥਕ ਮਹਾਂਸ਼ਕਤੀ ਬਣਨ ਦੇ ਦਾਅਵੇ ਕਰ ਰਿਹਾ ਹੈ। ਉੱਥੇ ਹੀ ਚੀਨ ਦੀਆਂ ਕੰਪਿਊਟਰ ਐਪਲੀਕੇਸ਼ਨਾਂ ਬੰਦ ਕਰਕੇ ਉਸ ’ਤੇ ਪਾਬੰਦੀਆਂ ਲਾਉਣ ਦੀ ਦਗਮਜ਼ੇ ਮਾਰ ਰਿਹਾ ਹੈ। ਇਸ ਤਰ੍ਹਾਂ ਭਾਰਤ ਚੀਨ ਨੂੰ ਆਰਥਕ ਜਾਂ ਤਕਨੀਕੀ ਖੇਤਰ ਵਿਚ ਕਦੋਂ ਤੱਕ ਪਛਾੜੇਗਾ ਕਹਿਣਾ ਮੁਸ਼ਕਲ ਹੈ। ਪਰ ਇਕ ਮਾਮਲੇ ਵਿਚ ਭਾਰਤ ਨੇ ਚੀਨ ਨੂੰ ਪਛਾੜਨ ਵਾਸਤੇ ਕਮਰ ਕੱਸ ਲਈ ਹੈ। ਸੰਯੁਕਤ ਰਾਸ਼ਟਰ ਦੀ ਮੰਨੀਏ ਤਾਂ ਇਕ ਮਾਮਲੇ ਵਿਚ ਤਾਂ ਭਾਰਤ ਚੀਨ ਨੂੰ ਅਗਲੇ ਸਾਲ ਭਾਵ 2023 ਵਿਚ ਪਛਾੜ ਹੀ ਦੇਵੇਗਾ। ਇਹ ਮਾਮਲਾ ਹੈ ਆਬਾਦੀ ਦਾ। ਦੱਸ ਦਈਏ ਕਿ 11 ਜੁਲਾਈ ਨੂੰ ਵਿਸ਼ਵ ਆਬਾਦੀ ਦਿਵਸ ਮਨਾਇਆ ਗਿਆ ਤੇ ਇਸੇ ਦਿਨ ਸੰਯੁਕਤ ਰਾਸ਼ਟਰ ਨੇ ਦੁਨੀਆ ਦੀ ਆਬਾਦੀ ਬਾਰੇ ਹੈਰਾਨੀਜਨਕ ਅੰਕੜੇ ਜਾਰੀ ਕੀਤੇ। ਇਸ ਵਿਚੋਂ ਭਾਰਤ ਲਈ ਸਭ ਤੋਂ ਅਹਿਮ ਅੰਕੜਾ ਇਹ ਹੈ ਕਿ 2023 ਵਿਚ ਭਾਰਤ ਆਬਾਦੀ ਦੇ ਮਾਮਲੇ ਵਿਚ ਚੀਨ ਨੂੰ ਪਛਾੜ ਕੇ ਦੁਨੀਆ ਦਾ ਸਭ ਤੋਂ ਜ਼ਿਆਦਾ ਆਬਾਦ...
